Kutaisi Airport

აეროპორტში

რეგისტრაცია

სასურველია რეგისტრაციის და უსაფრთხოების პროცედურების დროულად გავლისათვის მგზავრები აეროპორტში გამოცხადდნენ რეისის გაფრენამდე 2 საათით ადრე.

სარეგისტრაციო დახლის გახსნის და დახურვის დრო მითითებულია თქვენს ბილეთში ან სამგზავრი ინსტრუქციაში.

ავიაკომპანიები მკაცრად იცავენ რეგისტრაციისათვის განკუთვნილი დროის რეგლამენტს. სარეგისტრაციო დახლის დახურვის შემდგომ მგზავრები რესიზე აღარ დაიშვებიან.

ავიაკომპანიების უმეტესობა გთავაზობთ ონლაინ რეგისტრაციის სერვისს. სასურველია გადაამოწმოთ თქვენს ავიაკომპანიასთან, ვრცელდება, თუ არა აღნიშნული სერვისი თქვენს ავიარეისზე. თუ სერვისი ხელმისაწვდომია, აეროპორტში მისვლამდე აუცილებლად ამობეჭდეთ თქვენი ჩასხდომის ბარათი, ვიდაიდან ავიაკომპანიების უმეტესობას აღნიშნული სერვისი ფასიანი აქვს.

როგორც წესი, ავიაკომპანიები უშვებენ მხოლოდ ერთ ხელბარგს ყოველ მგზავრზე. ხელბარგის ზომა უნდა იყოს საკმარისად მცირე, რომ თავისუფლად მოთავსდეს თვითმფრინავის სავარძელის ზედა თაროზე.